Қобда ауданының полиция қызметкерлері Қобда өзенінің жағасын қоқыстан тазалады, – деп хабарлайды Polisia.kz.
13 қыркүйекте «Таза Қазақстан» жедел-алдын алу іс-шарасын өткізу барысында Қобда ауданының полиция қызметкерлері күнделікті жұмыстың қауырттығына қарамастан, қоқыс жиналған Қобда өзенінің жағасын тазалады. Нәтижесінде полиция қызметкерлері қоқыс қалдықтарын полигонға «Камазбен» шығарды.
Бұл іс-шараның мақсаты – жағалауды тазарту ғана емес, сонымен қатар қоғамның назарын экологияға аудару және азаматтардың табиғатқа ұқыпты қарауы.
