Ақтөбелік полицейлер халыққа есеп берді, - деп хабарлайды Polisia.kz.
Облыс аумағында учаскелік полиция инспекторларының есептік кездесуі бір айда бірнеше рет өтті. Онда құқықтық тәртіптің жағдайы, полиция қызметінің ашықтығы кеңінен айтылды. Мұның бәрі азаматтардың ішкі істер органдарына сенімін арттыруды көздейді.
Тұрғындардың да полицияға қоятын сұрағы көп болды. Полицияның есебіне жүгінсек, өңірде өткен жедел алдын алу шарасы кезіне түнгі тыныштықты бұзуға қатысты – 14, жалға берілетін пәтерлер туралы – 22, бүлінген жолдар туралы – 75, кіреберістерде темекі тарту туралы – 15, түнгі мезгілде ішімдік сату туралы - 9, иесіз иттер туралы – 4; уақытында шығарылмаған қоқыс туралы – 40 арыз түскен.
Жол қауіпсіздігі бөлігінде (белгілерді орнату, жылдамдықты арттыру, жолдарды жөндеу, белгі салу, жаяу жүргіншілерге жол бермей, жүргіншілер жолағымен жүретін жүргізушілерге), көп қабатты үйлердің аулаларында бейнебақылау камераларын орнату, жарықтандырудың болмауы (әсіресе мектеп аумағында), қару сатып алуға рұқсат алу сияқты 65 дерек тіркелді.
Кездесулерде жергілікті азаматтардан түскен 244 сұрақтың 125-ін шешу үшін әкімдік құзыретіне жіберілді. 42 мәселе бойынша әкімшілік жауапкершілікке тарту шаралары қабылданып, 44-і бойынша түсініктеме берілді.
