Ақтөбе облысының полицейлері құрылыс материалдарын ұрлаған жұмысшыны ұстады, - деп хабарлайды Polisia.kz.
4 қазан күні полицияға Ақтөбе қаласының тұрғыны 2020 жылдың шілде-тамыз айларында жөндеу жұмыстарын жүргізу кезінде оның пәтерінен жөндеу жұмыстарын жүргізген жұмысшының 187 мың теңге сомасындағы құрылыс материалдарын ұрлап кеткені туралы арызданды.
1969 жылы туған ер адам жөндеу жұмыстарын жүргізу кезінде жасырын түрде 40 қап кафель желімін, 20 қап ротбандты, 20 қап алинексті және т. б. құралдарды ұрлап кеткен.
Ұсталған азамат бұл әрекетін мойындады.
Ұрлық фактісі бойынша сотқа дейінгі тергеу басталды.
