Ақтөбе облысында мас күйінде бөтен біреудің “Газель” автокөлігін айдап әкеткен жүргізуші ұсталды, – деп хабарлайды Polisia.kz.
17 қазанда белгісіз тұлғалар Хромтау қаласының Лахно көшесіндегі үйдің ауласынан құлыпты бұзу арқылы Хромтау қаласының 26 жастағы тұрғынына тиесілі «Газель» автокөлігін ұрлап әкеткен.
Шығын көлемі 2 млн. теңгені құрады.
Жәбірленуші бірден полиция бөліміне жүгінген.
Полицейлер бейнебақылау камераларының көмегімен ұрланған көліктің бағытын анықтап, қабылданған іс-шаралар нәтижесінде «ізін суытпай» гараждардың маңында Хромтау қаласының бұрын бірнеше рет сотталған 27 жастағы тұрғынын ұстады.
Ұсталған азамат “орташа” дәрежедегі алкогольдік мас күйінде болған.
Аталған факт бойынша ҚР ҚК-нің 200-бабының 1-бөлігі (Автомобильді немесе өзге де көлік құралын жымқыру мақсатынсыз құқыққа сыйымсыз иеленіп алу) бойынша сотқа дейінгі тергеу басталды.
