Ақтөбеде КА-168/2 түзеу мекемесінің жазасын өтеуші сотталғандары спорттық сайысқа түсті, – деп хабарлайды Polisia.kz.
Ақтөбе облысы бойынша ҚАЖ департаментіне бағынысты КА-168/2 түзеу мекемесі сотталғандар арасында «Қысқы спартакиада-2021» спорттық іс-шараларын өткізді.
Мекеменің тәрбиелік іс-шаралар жоспарына сай, жазасын өтеуші сотталғандардың денсаулығын сауықтыру, салауатты өмір салтын қалыптастыру мақсатында ұйымдастырылған спорттық жарыста сотталғандар шаңғы тебу, шағын футбол, шахмат, тоғыз қомалақ, теннис және дойбыдан сайысқа түсті.
– Іс-шараның мақсаты – жазасын өтеуші сотталғандар арасында салауатты өмір салтын қалыптастыра отырып, оларға көтеріңкі көңіл-күй сыйлау, – дейді КА-168/2 түзеу мекемесінің сотталғандар арасында әлеуметтік-психологиялық және тәрбие жұмысы бөлімінің жасақ бастығы Тимур Ишмухамедов.
Спорттық жарыстарға белсенді қатысқан жеңімпаз сотталғандар мекеме басшылығының атынан алғыс хаттармен және бағалы сыйлықтармен марапатталды.
