Ақтөбеде жүргізуші кәмелетке толмаған баланы қағып кетті, – деп хабарлайды Polisia.kz.
Ақтөбе қаласында Mazda-626 автокөлігінің 45 жастағы жүргізушісі 12-ықшам аудандағы 25-үйдің ауласында келе жатып, кәмелетке толмаған баланы қағып кетті. Жол-көлік оқиғасы салдарынан 8 жастағы бала облыстық балалар клиникалық ауруханасына жатқызылды.
– Жүргізушілер, балалар жол қозғалысының ең күтпеген қатысушылары екенін естен шығармаңыздар. Әсіресе балаларға арналған ойын-сауық кешендерінің жанында, аула аумақтарында және “Балалар” белгісі белгіленген орындарда абай болыңыздар, – деп ескертеді Ақтөбе облысы бойынша ПД.
