Екібастұзда көлік басқару құқығынан айырылған жүргізуші ұсталды, – деп хабарлайды Polisia.kz.
22 тамызда сағат 08:30 шамасында Екібастұз қаласында Қонаев-Геологическая көшелерінің қиылысында патрульдеу жүргізу кезінде патрульдік полиция ротасының қызметкерлері Audi автокөлігін тоқтатты.
– Автокөліктің тізгінінде 51 жастағы ер адам болды. Тексеру барысында анықталғанай, ер адам биыл сотпен 7 жыл мерзімге көлік басқару құқығынан айырыла тұра, рөлге отырған, – деп хабарлады Екібастұз қаласы ПБ бастығының міндетін атқарушы Төлеген Құдайбергенов.
Полиция автомобиль мамандандырылған тұраққа қойылғанын атап өтті.
ҚР ӘҚБтК-нің 612-бабы 3-бөлігі бойынша әкімшілік іс қозғалды, материал сотқа жолданды.
