Ер адам астаналық тұрғынға шабуыл жасап, телефонын тартып алған, – деп хабарлайды Polisia.kz.
Алматы ауданының полиция басқармасына елорда тұрғыны тонау туралы арызбен жүгінді. Жәбірленушінің айтуынша, түнде көшеде күтпеген жерден оған жас жігіт келіп, ақша талап ете бастаған. Әйел ақша беруден бас тартқан кезде, күдікті оның бетіне соққылар беріп, содан кейін ұялы телефонын алып, белгісіз бағытта қашып кеткен.
Жедел-іздестіру іс-шаралары барысында полицейлер елорданың 31 жастағы тұрғынын анықтады. Полиция құны 500 мың теңге тұратын Iphone-14 Pro Max телефонын тәркілеп, жәбірленушіге қайтарып берді.
Аталған факті бойынша ҚК-нің 191-бабы (Тонау) бойынша қылмыстық іс қозғалды.
Ер адам Астана қаласы ПД уакқытша ұстау изоляторына қамалды.
Тергеу амалдары жүргізіліп, оның елорда аумағында бұрын жасалған осыған ұқсас қылмыстарға қатысы бар-жоғы анықталып жатыр.
