Павлодар облысында кәмелетке толмағандарға қатысты 54 қылмыс тіркелді, – деп хабарлайды Polisia.kz.
Жазғы демалыстар бүгінгі күні кәмелетке толмағандардың түнгі уақытта қоғамдық орындарда болуына тыйым салу мәселесі өзекті болып отыр. Өйткені, жасыратыны жоқ, түнде ең көп қылмыстар жасалады, сонымен қатар, жасөспірімдерге қатысты және қамелетке толмағандардың өзімен. Биыл кәмелетке толмағандарға қатысты 54 қылмыс тіркелді.
Сонымен қатар, ата-аналар баланы кешкі уақытта көшеге босатып, оны тек қауіп төндіріп қана қоймай, сонымен бірге заң бұзады. Осылайша, жыл басынан бері жасөспірімдердің ойын-сауық мекемелерінде болуына және сағат 23.00-ден кейін тұрғын үйден тыс жерлерде болуына жүргізілген рейдтер барысында 1341 заңды өкіл әкімшілік жауапкершілікке тартылды.
Талдау көрсеткендей, қылмыс жасаудың негізгі себептері жасөспірімдердің пайдакүнемдік себептері, сондай-ақ ата-аналар тарапынан бақылаусыздық болып табылады. Әрине, отбасы үлгі ретінде өсіп келе жатқан адамның жеке тұлға ретінде қалыптасуында маңызды рөл атқарады. Бүгінгі таңда 287 ата-ана өз балаларын тәрбиелеу бойынша міндеттерін тиісінше орындамағаны үшін әкімшілік жауапкершілікке тартылды. Соттар кәмелетке толмаған балаларды тәрбиелеу жөніндегі міндеттерден қасақана жалтарған ата-аналарды құқықтарынан айыру және шектеу туралы 173 өтінішті қанағаттандырды.
Полиция қызметкерлері тұрғындардан өз балаларының уақытын бақылап, 23.00-ден кешікпей балаларыңыздың үйде болуын қамдануды сұрайды.
