Маңғыстаулық полицейлер Конституция күні мерекесі қарсаңында марапатталды, – деп хабарлайды Polisia.kz
Қазақстан Республикасының Конституциясы күні қарсаңында Маңғыстау облысы Полиция департаменті ғимаратында қызметкерлерді марапаттау рәсімі өткізілді.
Полиция департаментінің бастығы Аян Дуйсембаев алғысөз сөйлеп, жеке құрамды мерекемен құттықтап, Конституция күні мерекесінің полиция қызметкерлері үшін ерекше маңыздылығын атап өтті.
Шара барысында Ішкі істер министрлігінің және облыстық Полиция департаменті бастығының мерекелік марапаттау жайлы бұйрығы жеке құрамға таныстырылып, қызметте кәсіби біліктілігінің арқасында жақсы көрсеткіштерге қол жеткізген, қызметтік міндетін қажырлы әрі адал орындаған ішкі істер органдарының қызметкерлері марапатталды.
