Ақтөбе облысында 58 шетел азаматы ел аумағынан шығарылды, – деп хабарлайды Polisia.kz.
Ағымдағы жылдың желтоқсан айының 6 мен 12 аралығында облыс аумағында республикалық “Мигрант” жедел-профилактикалық іс-шарасы өткізілді.
Яғни, “Мигрант” жедел-профилактикалық іс-шараның қорытындысы бойынша Қазақстан республикасында болу ережесін бұзған барлығы 1 225 адам, оның ішінде 877 шетел азаматы және 348 Қазақстан Республикасының азаматтары әкімшілік жауапкершілікке тартылды.
58 шетел азаматы соттың қаулысымен әкімшілік жолмен ел аумағынан шығарылды.
Іс-шара барысында Ресей Федерациясының азаматымен Қазақстан Республикасының шекарасын қасақана заңсыз кесіп өту фактісі мен анықталып, ҚР Қылмыстық кодексінің 392-бабы 1-бөлімімен қылмыстық іс қозғалды.
Сонымен қатар, Өзбекстан Республикасының азаматымен заңсыз жүрген шетелдіктерге тұрғын немесе үй-жай беру, өзге де қызметтер көрсету арқылы және ҚР аумағына заңсыз кіру үшін көлік құралын беру туралы заңсыз көші-қонды ұйымдастыру фактісі анықталды. ҚР Қылмыстық кодексінің 394-бабының 1-бөлімімен қылмыстық іс қозғалды.
