Павлодар облысында алкоголь өнімдерін заңсыз сатқан ауыл тұрғыны жазаланды, – деп хабарлайды Polisia.kz.
Полиция қызметкерлері алкогольге қарсы заңнама саласындағы бұзушылықтарды анықтауға бағытталған іс-шараларды үнемі өткізіп тұрады.
– Кезекті тексеру кезінде Шарбақты ауданының Галкино ауылындағы үйлердің бірінде учаскелік полиция инспекторы алкоголь өнімдерін заңсыз сату фактісін анықтады. Сағат 16:35-те үй иесі «Пшеничная» маркалы арақтың бөтелкесін сатты. Кәсіпкерлік немесе өзге қызметпен айналысқаны, сондай-ақ тиісті тіркеусіз және рұқсатсыз іс-әрекеттерді жүзеге асырғаны үшін «сатушыға» қатысты ҚР ӘҚБтК-нің 463-бабының 1-бөлігі бойынша әкімшілік хаттама жасалды. Материал әрі қарай шешім қабылдау үшін сотқа жіберілді, – деп хабарлады Павлодар облысы полиция департаментінің жергілікті полиция қызметі бастығының орынбасары Руфат Кенжин.
Айта кетейік, ағымдағы жылдың басынан бастап Павлодар полицейлері кәсіпкерлік немесе өзге қызметпен айналысқаны, сондай-ақ тиісті тіркеусіз және рұқсатсыз іс-әрекеттерді жүзеге асырғаны үшін 55 адам жауапкершілікке тартылды.
