Павлодар облысында Honda Element жүргізушісі патрульдік көлікпен соғысты, – деп хабарлайды Polisia.kz.
1 қыркүйек сағат 18.30 шамасында Омбы – Майқапшағай автожолында ЖҚС-ның біріне қарама-қарсы орналасқан Проезд №50 көшесінде Honda Element автокөлігінің 55 жастағы жүргізушісі реттелмейтін жаяу жүргіншілер өтпесінде қауіпсіз қашықтықты таңдамай, Skoda Rapid патрульдік автокөлігімен соқтығысқан. Ол жаяу жүргіншіні өткізу үшін реттелмейтін жаяу жүргіншілер өткелінің алдында тоқтаған.
Жол апатынан ешкім зардап шеккен жоқ. Екі жүргізуші де сау. Автокөлік арнайы айыптұраққа қойылды.
Honda Element автокөлігі жүргізушісінің айтуынша, бұл бұзушылық өзінің ұқыпсыздығынан жасалған.
Полиция аталған факті бойынша тексеру жүргізіліп жатқанын, Honda Element автокөлігінің жүргізушісіне қатысты ҚР ӘҚБтК 610-бабы бойынша әкімшілік өндіріс қозғалғанын атап өтті.
