Павлодар облысы бойынша қылмыстық-атқару жүйесі департаментінің бастығы Адлет Мұстафинов қоныс колониясында сотталғандарға жеке қабылдау өткізді, – деп хабарлайды Polisia.kz.
Павлодар облысы бойынша қылмыстық-атқару жүйесі департаментінің бастығы Адлет Мұстафинов АП-162/2 мекемесіне жұмыс сапарымен барды. Жұмыс кездесуі кезінде Адлет Хажетұлы мекеме аумағын аралап шықты, тұрғын, тұрмыстық және өндірістік үй-жайларды аралады. Тексеріс сотталғандардың жазасын өтеу жағдайлары қылмыстық-атқару заңнамасының талаптарына сәйкес келетінін көрсетті.
Сондай-ақ, Павлодар облысы бойынша ҚАЖ департаментінің бастығы сотталғандардың жеке мәселелері бойынша жеке қабылдау өткізді. Сотталғандарды шартты түрде мерзімінен бұрын босату, жұмысқа орналастыру, жазаны өтеу тәртібіне қатысты басқа да мәселелер қызықтырды.
Атап өту керек, осы жазда Қазақстан Республикасы Ішкі істер министрлігінің бұйрығымен АП-162/2 қауіпсіздігі орташа мекемеден қауіпсіздігі барынша төмен мекемеге қайта бейінделді.
