Павлодар облысы Ертіс ауданының полиция бөлімі Instagram парақшасына Ертіс ауылының тұрғыны Гүлнәр Назымбекқызы Баязитованың алғыс хаты келіп түсті, - деп хабарлайды Polisia.kz.
Өзінің үндеуінде ол Ертіс ауданы полиция бөлімінің криминалдық полиция бөлімшесінің жедел уәкілі Амир Садвақасовқа кәсібилігі, жанашырлығы және азаматтарға деген мұқият қарым-қатынасы үшін шынайы ризашылығын білдірген.
– Жедел уәкіл Амир Садвақасов кәсібилігі, жанашырлығы және адамдарға деген ілтипатты қарым-қатынасы үшін алғысымызды білдіргіміз келеді. Жедел әрекет еткені, мейірімділігі, мұқият тыңдап, кез келген жағдайда көмек көрсете білгені үшін рақмет. Жанында осындай жауапты әрі немқұрайлы қарамайтын қызметкерлердің еңбек ететіні қуантады. Қызметіңізге толағай табыс, зор денсаулық және бейбіт күндер тілейміз! – делінген Баязитовтар отбасының алғыс хатында.
Мұндай алғыс сөздер – полиция қызметкерінің еңбегіне берілген жоғары баға әрі азаматтардың полицияға деген сенімінің көрінісі. Кәсібилік, мұқияттылық және көмек көрсетуге дайын болу – азаматтардың құқықтары мен мүдделерін қорғауға бағытталған қызметтің маңызды бөлігі.
