“Тәуелсіз” ақпараттық-ағарту бағдарламасын іске асыру аясында дөңгелек үстелге “Жастар ассамблеясының” мүшелері, ЖОО студенттері, мемлекеттік және құқық қорғау органдарының өкілдері жиналды, – деп хабарлайды Polisia.kz.
Павлодар облысы ПД есірткі қылмысына қарсы іс-қимыл басқармасының бөлім бастығы Ирина Темірғалиева қатысушыларға есірткіні пайдалану, сақтау және тарату кезінде қандай жауапкершілік және қай жастан бастап пайда болатынын, интернетте жеңіл жұмыс пен үлкен ақшаны уәде еткендердің құрбаны болмау керектігін түсіндірді. Сондай-ақ қатысушыларға есірткі заттарының таралуы мен қолданылу фактілері туралы хабарлау үшін қайда жүгінуге болатынын түсіндірді. Сонымен қатар балаларды салауатты өмір салтын ұстануға, бос уақытты пайдалы өткізуге көбірек уақыт бөлуге және достары мен таныстарында есірткі заттарын қолдану белгілерін байқаса, олардың өмірін уақытында сақтап қалу үшін полицияға міндетті түрде хабарлауға шақырды.
Павлодар облыстық психикалық денсаулық орталығының психологы Анна Куликова жаман әдеттер балаларды ересек етпейтінін, олар достарымен, туыстарымен және жақындарымен қарым-қатынасқа кедергі келтіретінін атап өтті.
Павлодар облысы жастары Ассамблеясының төрағасы Рамиль Смайылов жастардың есірткіге қарсы акцияларға қатысуы олардың нашақорлықпен және есірткінің заңсыз айналымымен күресуге дайындығын көрсететінін, сондай-ақ салауатты өмір салтын насихаттауда, нашақорлықтың алдын алуда, дәстүрлі рухани және отбасылық құндылықтарды ұстануда отбасының ерекше рөлін атап өтті.
Кездесу диалог түрінде өтті, ұлдар мен қыздар қонақтарға салауатты өмір салты, есірткі және психотроптық заттардың заңсыз айналымы саласындағы қылмыстармен күрес және олардың алдын алу туралы сұрақтар қойып, оларға білікті жауаптар алды.
