Петропавлда полицейлер эвакуацияланған тұрғындардың мүлкінің сақталуын қамтамасыз етіп жатыр, – деп хабарлайды Polisia.kz.
Адамдар су тасқыны туралы мәліметтермен бөлісетін Петропавл чаттарының бірінде қалалық полиция басқармасының бастығы Марат Жұмалиевтің атына алғыс келді. Оны қала тұрғыны жариялаған. Ол үлкен судың кесірінен Ойқала ауданындағы үйін қалдырып кетуге мәжбүр болған. Су басқан аймақтың фотосуреттері мен бейнелерін көргенде, ол үйі мен гаражының есіктері ашық екенін байқап қалған. Әйел адам дереу “102” арнасына жүгінді.
– Петропавл қаласы полиция басқармасының бастығы М. А. Жұмалиевке кәсібилігі үшін зор алғысымды білдіргім келеді. Марат Ахметжанұлы біздің жер үйіміздегі зиянданған аумақтарды жоюды жеке өзі ұйымдастырып беріп, бақылап отырды. Қайық пен су тасқынына қарсы құрал-жабдықтарды берді. Бізге криминалистпен бірге үйімізге қарай жүзіп келуге және судың қатты ағынына байланысты зақым келтірілгенін, адам факторының жоқ екендігін анықтауға мүмкіндік берілді. Барлық әрекеттер бейнеге жазылды. Біз қысылып қалған қақпаларды қалпына келтіріп, оларға құлыптар іліп қойдық. Жарты сағаттан кейін маған үйге барып келуге және есіктің бұзылуының мүмкін емес екеніне көз жеткізу ұсынылды.
Мен Ойқала тұрғындарына үміт бергім келеді. Біздің мүлікті күніне 500-ге жуық адам қорғайды. Су басқан кіре беріс жерлер күндіз-түні жіті бақылауда. Тұрғындардың көліктері өткізілмейді, тек арнайы көліктер өтеді, егер олар қоршаулардан немесе өз бетімен өткен адамдарды тапса, олар қорғалатын аймақтан шығарылады. Қаланың бас полицейі Жұмалиевтің өзі әрдайым су басу орнында және қызметкерлердің жұмысын бақылап отырады. Қазір менің полицияның тонауға жол бермейтініне толық сенімім бар, – деп жазды ол.
