Полиция жастарды есірткі тасымалдаушыға айналудан сақтандырады

Мессенджерлер мен әлеуметтік желілерде жоғары жалақы уәде етілетін жұмыс туралы хабарландырулар белсенді түрде таралып жатқан жағдайда Абай облысының полиция департаменті азаматтардың, ең алдымен жастардың назарын "курьерлік вакансиялар" деп аталатын ұсыныстардың ауыр құқықтық салдарына аударады, - деп хабарлайды Polisia.kz.

Жылдам табыс пен тәжірибенің қажет еместігін алға тарта отырып, қылмыскерлер жастарды заңсыз әрекеттерге тартады. Іс жүзінде мұндай қосымша жұмыстар көбінесе есірткі құралдарының және басқа да тыйым салынған заттардың заңсыз айналымымен байланысты болады.

Тыйым салынған заттарды қолдануға немесе таратуға байланысты қабылданған әрбір шешім орны толмас қайғылы жағдайға әкелуі мүмкін. Мұндай схемаларға қатысу сөзсіз қылмыстық жауапкершілікке және бас бостандығынан айыруға соқтырады. Күтілген табыстың орнына — темір тордың ар жағында өткен жылдар, сынған тағдырлар мен жоғалған болашақ.

Полиция департаментінің "Қақпан" атты әлеуметтік ролигі күмәнді жұмыс ұсыныстарына келісудің немен аяқталатынын көрнекі түрде көрсетуге, сондай-ақ "тапсырыстың" сыртқы қарапайымдылығының артында нақты қылмыстық жаза тұрғанын еске салуға арналған.

Полиция азаматтарды сақ болуға, жоғары табыс уәде ететін анонимді ұсыныстарға сенбеуге және заңсыз қызметке қатысу Қазақстан Республикасының заңнамасына сәйкес қатаң жауапкершілікке әкеп соғатынын есте сақтауға шақырады.