Ішкі істер министрлігінің нұсқауына сәйкес Қызылорда облысының аумағында "Құқықтық тәртіп" жедел профилактикалық іс-шарасы жүргізілуде, - деп хабарлайды Polisia.kz.
Іс-шара аясында өңірде қоғамдық тәртіпті сақтау және құқық бұзушылықтардың алдын алу бағытында кешенді жұмыстар атқарылды. Нәтижесінде барлығы 1 258 әкімшілік құқық бұзушылық анықталды.
Атап айтқанда:
-
тегіс ұңғылы атыс қаруына қатысты 6 дерек тіркелді;
-
көлік құралын алкогольдік масаң күйде басқарудың (ҚР ӘҚБтК-нің 608-бабы) 15 дерегі анықталды;
-
көлік құралын басқару құқығынан айырылған тұлғалардың көлік жүргізуінің (ҚР ӘҚБтК-нің 612-бабының 3-бөлігі) 7 дерегі тіркелді;
-
ұсақ бұзақылықтың (ҚР ӘҚБтК-нің 434-бабы) 9 дерегі анықталды;
-
алкогольдік ішімдіктерді ішу немесе қоғамдық орындарға масаң күйде келудің (ҚР ӘҚБтК-нің 440-бабы) 75 дерегі тіркелді;
-
қоғамдық тамақтану орындарында кальян (қорқор) бұйымын пайдаланудың (ҚР ӘҚБтК-нің 441-бабы) 6 дерегі қала аумағында анықталды;
-
кәмелетке толмағандардың түнгі уақытта заңды өкілдерінсіз жүруінің (ҚР ӘҚБтК-нің 442-бабы) 78 дерегі тіркелді.
Жедел профилактикалық іс-шара құқық бұзушылықтардың алдын алуға, жол қозғалысы қауіпсіздігін қамтамасыз етуге және азаматтардың қауіпсіздігін арттыруға бағытталған. Аталған іс-шара алдағы уақытта да жалғасын табатын болады.
