Атырауда пробация қызметкерлері бейнежетондармен қамтылды, – деп хабарлайды Polisia.kz.
Атырау облысы бойынша Қылмыстық-атқару жүйесі департаментіне қарасты қалалық пробация қызметі бөлімінің жеке құрамы бейнежетондармен қамтамасыз етілді.
– Есепте тұрған тұлғаларды кешкілік мекенжайы бойынша тексеру бейнежетонмен жүргізілетін болады. Бейнежетон қолданудың мақсаты – қызметкерлер мен есепте тұрған тұлғалардың қауіпсіздігі және сыбайлас жемқорлықтың алдын алу болып табылады, – дейді Атырау облысы бойынша ҚАЖД баспасөз қызметі.
Айта кету керек, қазіргі таңда қалалық пробация қызметінде 1000-нан астам сотталған азамат есепте тұр.
