Қазақстандық сотталғандар үшін соңғы қоңырау соғылды, – деп хабарлайды Polisia.kz.
Қазақстанның қылмыстық-атқару жүйесі мекемелерінің жанында барлығы 42-ден астам жалпы білім беретін оқу орны жұмыс істейді. Мұнда білім алушылардың жалпы саны 1.6 мыңнан асады. Түрме құрылымындағы оқу жоспарының бағдарламасы отандық білім беру жүйесінен еш айырмашылығы жоқ. Оқушылармен қатар сотталғандар тілдерді, тарихты, алгебраны, физиканы, химияны және басқа да жалпы білім беретін пәндерді оқиды. 11-сыныпты бітіргеннен кейін олардың барлығы қорытынды бағалары бар жалпы орта білім туралы аттестат алады.
Көптеген сотталған үшін бұл – жаңа өмір бастауға мүмкіндік береді, босатылғаннан кейін олар пенитенциарлық мекемелердің қабырғаларында алған білімдері мен дағдыларын қолдануды жоспарлап отыр.
Осындай мысалдардың бірі – Шығыс Қазақстан облысы бойынша ҚАЖД ОВ-156/6 қауіпсіздігі барынша жоғары мекемесінде жазасын өтеп жатқан 33 жастағы сотталған Р. 25 жасында ол есірткі таратқаны үшін 10 жылға бас бостандығынан айырылды.
Жас жігіттің айтуынша, ол мақсатты түрде бостандықтағы өмірі үшін оқиды. Пенитенциарлық мектепті бітіргеннен кейін ол ақпараттық технологиялар саласындағы жүйелік әкімші мамандығы бойынша қашықтықтан оқуға түсуді жоспарлап отыр.
– 21 ғасыр – ақпараттық жүйелер ғасыры, маған IT-мамандығының жұмысы қатты ұнайды, сондықтан мен информатика пәнін жақсы көремін, босатылғаннан кейін осы мамандық бойынша оқуға түсемін деп үміттенемін, – дейді сотталған.
Ол 9-сыныптан кейін мектепті тастап кетті, жас жігіт жоғары оқу орнына түсу туралы ойламады, содан кейін табыс табу басты міндет болды.
– Мұғалімдерге шыдамдылығы үшін және бізді әрдайым тыңдай білгендері үшін рақмет. Мұғалімдер бізге әрқашан түсіністікпен және қолдаумен қарады, – деп қамауға алынған ризашылығын білдірді.
Маусым айында 480 сотталған-түлектермен бірге емтихан тапсырады, содан кейін ол орта жалпы білім туралы сертификат алады.
