Қостанай облыстық ПД-да үздік 15 анықтаушы марапатталды, – деп хабарлайды Polisia.kz.
Қостанай облысы полиция департаментінде Қостанай облысы ПД бастығының орынбасары Бауыржан Әбенов ҚР ІІМ, Қостанай облысы ПД басшылығының марапаттарын облыстың үздік анықтаушыларына табыстады.
Бауыржан Әбеновтің айтуынша, жыл басынан бері облыс анықтаушылары сотқа 374 қылмыстық іс жолдаған, оның 112-сі сотқа дейінгі жедел тергеу тәртібінде.
– Анықтау қызметінің құрылған күнімен шын жүректен құттықтаймын! Бүгінде ішкі істер органдар жүйесіндегі бөлімшенің рөлі орасан зор. Көптеген қылмыстық істерді анықтау қызметкерлердің кәсібилігіне, маңызды шешімдерді сауатты және жедел қабылдау қабілетіне байланысты, – деп атап өтті Қостанай облысы ПД бастығының орынбасары.
ҚР ІІМ “Қазақстан полициясына 30 жыл” медалімен марапатталғандардың арасында Қостанай аудандық полиция бөлімінің анықтаушысы Батыржан Ғабдуллин бар. Ол тергеуде 2018 жылдан бері жұмыс істейді. Сонымен қатар, полиция қызметкері полиция әулетінің жалғастырушысы. Оның әкесі – Жаңаділ Ғабдуллин Әулиекөл ауданында тергеу бөлімінің бастығы болып жұмыс істеген. 2007 жылдан бастап ол лайықты демалыста, бірақ жас қызметкерлерге тәлімгер болып қала береді.
Батыржан Ғабдуллин анықтаушының жұмысы жауапты және қажырлы деп есептейді. Бұл мамандардың басты міндеті – қылмыстың барлық бөлшектерін біртіндеп қалпына келтіріп, оны жасаған адамдардың іс-әрекеттерінің себептерін мұқият түсіну.
Бұл күні жедел-қызметтік қызметте елеулі нәтижелерге қол жеткізген облыстың үздік 15 анықтаушысы марапатталды.
