Қостанай облысында батальон қызметкерлері марапатталып, кезекті арнайы атақтарға ие болды, – деп хабарлайды Polisia.kz.
Қостанай қаласы Полиция басқармасының патрульдік полиция батальонының қызметкерлері Бақтияр Қабдібековке, Нұрлан Сейдахметовке Жаңа жыл қарсаңында кезекті арнаулы атақтар табысталды.
Сондай-ақ, қызметтік міндеттерін адал атқарғаны және 2021 жылдың қорытындысы бойынша қол жеткізген оң нәтижелері үшін ПБ ППБ командирі Ербол Мұхамеджанов, ПБ ППБ ротасының командирі Алмас Бекмағамбетов, ПБ ППБ взводының командирі Самат Тілеуов, ПБ ППБ қызметінің аға инспекторы Әлішер Нысанов және тағы алты қызметкер Қостанай облысы ПД бастығының міндетін атқарушы Қайрат Дүйсембековтің мақтау қағаздарымен марапатталды.
Полиция қызметкерлеріне облыстық ПД басшылығынан кезекті арнаулы атақтар мен мақтау қағаздарын Қостанай қаласы ПБ бастығының орынбасары Мұрат Бекзат табыстады.
– Сіздердің әрқайсыңызға құқықтық тәртіпті, азаматтарымыздың қорғалуын қамтамасыз ету сеніп тапсырылған. Сіздерге алға қойылған міндеттерді абыроймен атқаруды және жаңа жылда жақсы қызмет тілеймін, – деп құттықтады Мұрат Бекзат.
