Қостанай облысында оқушылар полиция қызметімен танысты, — деп хабарлайды Polisia.kz.
9 сәуір күні 150-ден астам оқушы, оның ішінде “Жас сақшы” сыныптары мен ЮИД жасақтары өңірдің полиция департаментіне барды.
Іс-шараның басты мақсаты — жасөспірімдер арасында “Адал азамат” қағидаттарын, яғни адалдықты, жауапкершілікті және заңға құрметті қалыптастыру болды.
Музей мен Жедел басқару орталығына жасалған экскурсия барысында оқушылар қауіпсіздіктің нақты уақытта қалай қамтамасыз етілетінін көрді. Сонымен қатар маңызды әңгіме де өтті: полиция қызметкерлері заң, жауапкершілік және жасөспірімдер күнделікті өмірде және интернет кеңістігінде кездесетін қауіптер туралы түсіндірді.
Буллинг пен кибербуллинг мәселелеріне ерекше назар аударылды. Іс-шара жол қозғалысы қауіпсіздігі ережелерін сақтау қажеттігін еске салумен аяқталды.
