Қостанайлық полицейлер қаруды заңсыз сақтау дерегін анықтады, – деп хабарлайды Polisia.kz.
«Қару» және «Ақбөкен» жедел алдын алу шарасы шеңберінде рейд жүргізу барысында жоғарғы Тобыл су қоймасының аумағында полиция қызметкерлері 2 бірлік тегіс ұңғылы атыс қаруын тапты.
– Рейд барысында 39 жастағы Лисаков тұрғыны анықталды. Онда 12 калибрлі ИЖ маркалы және 12 калибрлі ТОЗ маркалы 2 бірлік тегіс ұңғылы атыс қаруы табылды. Қару тіркелмеген. Сараптама тағайындалды, – деді табиғатты қорғау полициясының қызметкері Жомарт Кенебаев.
«Ақбөкен» жедел алдын-алу шарасы басталғаннан бері аңшылық және балық аулау ережелерін бұзудың 24 дерегі анықталды.
