Қазақстан полициясының 30 жылдығына орай Қызылорда облысының Полиция департаменті бөліністері қызметкерлерінің арасында Арнайы даярлық басқармасының ұйымдастыруымен қоян-қолтық ұрысынан жарыс өтті, – деп хабарлайды Polisia.kz.
Қызылорда облысының Мәдениет және спорт басқармасына қарасты облыстық жоғары спорт шеберлігі мектебінде өткен сайысқа Полиция департаментінің басшылығы, ішкі істер органдарының ардагерлері және құрама командалар қатысты. Жарыстың ашылу салтанатында департамент бастығының орыбасары Амиржан Утегенов құттықтау сөз сөйлеп, жарысқа қатысушыларға сәттілік тіледі.
Салауатты өмір салтын насихаттау, күш құрылымдары қызметкерлерінің физикалық дайындықтарын сынға салу мақсатында ұйымдастырылған бұл сайысқа 11 құрама қатысты. Жалпы ережеде командалық есепте ОПД ЖҚАЖ командасы бірінші орынды иеленсе, екінші орынды ОПД Оқу-жаттығу взводының командасы тізгіндеп, Арал аудандық полиция бөлімі командасы үшінші орынға табан тіреді. Жеңімпаздар кубок, медаль және бағалы сыйлықтармен марапатталды.
