Қызылордада үш күнде жолаушылар тасымалдау қағидаларын бұзудың 179 дерегі анықталды, - деп хабарлайды Polisia.kz.
Облыс көлемінде жолаушылар тасымалдауды жүзеге асырушылар арасындағы көліктік тәртіпті арттыру, сондай-ақ желіде қызметін тіркеусіз жүзеге асыратын (ауданаралық, қалааралық, облысаралық және халықаралық) азаматтарға қатысты бақылауды жетілдіру мақсатында биылғы жылдың қазан айының 7-9 күндері аралығында Департаменттің жеке құрамы күшейтілген жұмыс түріне көшіріліп, "Заңсыз жолаушы тасымалдаушы" жедел - профилактикалық іс-шарасы өткізілді.
Іс-шара барысында жолаушылар тасымалдау қағидаларын бұзудың 179 дерегі тіркелді.
Оның ішінде, ҚР ӘҚБтК-нің 463 - бабымен тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттерді (операцияларды) жүзеге асырудың -12, ҚР ӘҚБтК-нің 464-бабы бойынша лицензиялау нормаларын бұзудың - 2, ҚР ӘҚБтК-нің 571-бабымен жолаушыларды, багажды және жүктерді тасымалдау қағидаларын бұзудың - 151, ҚР ӘҚБтК-нің 590.8-бабымен жолаушыларды, багажды автомобильмен тұрақты немесе тұрақты емес тасымалдауды, сондай-ақ жүктерді тасымалдауды жүзеге асыру кезінде рейс алдындағы (ауысым алдындағы) техникалық қарап-тексеруден өтпеген автокөлiк құралдарын пайдалануға шығару, сондай-ақ рейс алдындағы (ауысым алдындағы) медициналық қарап-тексеруден өтпеген жүргiзушiнiң басқаруына рұқсат берудің 14 дерегі анықталды.
