Семейде жаңа оқу жылы қарсаңында “Мектепке жол” дәстүрлі республикалық қайырымдылық акциясы басталды, – деп хабарлайды Polisia.kz.
ҚАЖ қызметкерлері аз қамтылған және көп балалы отбасылардан шыққан балаларға жаңа оқу жылына дайындық кезінде көмек көрсетуді шешті, өйткені мектепке жиналу белгілі бір шығындарды талап етеді және барлық ата-аналар баланы бірінші қыркүйекке дейін өз бетінше жинай алмайды. Акцияны жыл бойы көптеген қайырымдылық акцияларына қатысып келе жатқан “Теңімен тең” қағидасы бойынша қабылданған еріктілердің бірі қолдады.
Бүгін пробация қызметінің қызметкерлері еріктімен бірге кәмелеттік жасқа толмаған балаларды тәрбиелеп отырған, есепте тұрған жалғыз басты аналардың балаларына рюкзактар мен мектеп керек-жарақтарын табыс етті.
– Бұл акцияларды өткізудің негізгі мақсаты, әрине, қоғамды қиын өмірлік жағдайға тап болған отбасылардың мәселелеріне тарту болып табылады. Дамир мен Виолетта биыл үшінші сыныпқа барады, олардың аналары белгілі бір себептермен жұмысқа бара алмайды, сондықтан мұндай көмек олар үшін пайдалы болды деп ойлаймын. Жаңа оқу жылының басталуына санаулы күндер қалды, және балалар мектеп қабырғасында дәстүрлі форматта оқитындарына қуануда. Бұл мектеп сөмкелері оқушыға қажет негізгі кеңсе заттарымен толтырылған. Сонымен қатар биыл қажетті керек-жарақтар желісі медициналық маскалармен толықтырылды. Ең бастысы, барлық балаларға денсаулық пен оқуда табыс тілеймін, – деді Затон аудандық пробация қызметінің бастығы Жасулан Аринов.
