ШҚО-да ювеналды полиция қызметкерлері балаларға байқау ұйымдастырды, – деп хабарлайды Polisia.kz.
31 мамырда Бесқарағай АПБ ЖПҚБ ювеналды полиция тобының қызметкерлері және әйелдерді зорлық-зомбылықтан қорғау жөніндегі инспекторымен бірлесіп, Бесқарағай ауылының орталық алаңындағы Абай саябағында Балаларды қорғау күніне балаларға мереке ұйымдастырып, әртүрлі ойындар мен «Жайдары жаз, қош келдің!» атты асфальтта сурет салу байқауын ұйымдастырды.
Ойындар мен суреттер байқауына осы уақытта саябақта серуендеп жүрген 25-тен астам бала қатысты. Суреттер байқауының белсенді қатысушыларына және ойын жеңімпаздарына сыйлықтар табысталды.
Ойындар мен сурет байқауына қуана қатысқан балалар мерекені шаттана өткізіп, сыйлықтарын арқалап, мерекелік көңілмен үйлеріне қайтты.
