Шымкенттік полицейлер тұрғынның автокөлігінен қаруға ұқсас зат тәркіледі, – деп хабарлайды Polisia.kz.
21 қазан сағат 00.00 шамасында Шымкент қаласының Полиция департаменті ЖПҚБ Патрульдік полиция полкінің қызметкерлері Қазыбек би-Л.Толстого көшелерінің қиылысында күмән тудырған Daewoo автокөлігін тоқтатқан.
Автокөлікті қарау кезінде алдыңғы орындықтың астынан қаруға ұқсас зат анықталған. Аталған қару тәріздес зат айғақты зат ретінде тәркіленіп алынды. Автокөлік иесі Әл-Фараби ауданы Полиция басқармасына жеткізілді.
Қазіргі таңда тергеу амалдары жүргізілуде. Тергеу жұмыстарының нәтижесінде азаматқа қатысты оның іс-әрекетіне құқықтық баға берілетін болады.
