Шымкентте тұрғындар учаскелік полиция инспекторларының жұмысына алғыс білдірді, – деп хабарлайды Polisia.kz.
Шымкент қаласы Еңбекші ауданы Қойгелді батыр көшесі үлгілі аумақтардың бірі. Әсіресе аталған аумақта қоғамдық тәртіп тен тыныштық ерекше бақылауда. Себебі жергілікті учаскелік полиция инспекторларымен аумақ тұрғындары үнемі тығыз байланыста жұмыс атқарып келеді. Жұмыс барысында туындаған проблемаларды тарқатып, заң бұзушылық әрекеттердің алдын алып отырады. Бірлескен жұмыс нәтижесін Қойгелді батыр көшесінің төрайымы Есалиева Айдынкүл өз пікірінде толықтырып өтті. 47 жылдан бері осы көшеде тұратын Айдынкүл Қалысқызы тәуліктің кез-келген уақытында көмекке әзір тұратын Еңбекші ауданы Полиция басқармасы №40 учаскелік полиция пунктінің учаскелік полиция инспекторлары Рустемов Әділхан және учаскелік полиция инспекторы Асанов Маратқа ерекше алғысын жеткізді.
