Шымкенттік полицейлер жыл басынан бері есірткі саудасына қатысты алты азаматты ұстады, – деп хабарлайды Polisia.kz.
Ағымдағы жылдың қаңтар айында Шымкент қаласының Полиция департаменті Есірткі қылмысына қарсы іс-қимыл басқармасының қызметкерлерімен жүргізілген жедел-іздестіру іс-шаралары барысында, қала аумағында есірткі сатумен айналысқан және есірткі заттарын аса ірі көлемде сақтаған жалпы алты азамат ұсталды.
Атап айтқанда, 7 қаңтар күні түнгі уақытта полиция қызметкерлерімен 35 жастағы әйел азаматшадан үш граммнан астам синтетикалық есірткі тәркіленіп алынды;
– 8 қаңтар күні полиция қызметкерлерімен 30 жастағы ер азаматттан екі граммнан астам синтетикалық есірткі және 31 жастағы ер азаматтан 143 марихуана есірткісі тәркіленіп алынды;
– 12 қаңтар күні полиция қызметкерлерімен 33 жастағы ер азаматтан үш граммнан астам синтетикалық есірткі тәркіленіп алынды;
– 22 қаңтар күні полиция қызметкерлерімен 49 жастағы ер азаматтан сатпақ болған алты граммнан астам марихуана есірткі тәркіленіп алынды.
Аталған жайттар бойынша тергеу мен тексеру жұмыстары жүріп жатыр.
