Шығыс Қазақстан облысында сотталғандар балабақшаға танымал мультфильм кейіпкерлерінің мүсінін жасады, - деп хабарлайды Polisia.kz.
Балаларды қорғау күні мерекесіне орай Шығыс Қазақстан облысы Жарма ауданы Шуақ ауылындағы ОВ 156/18 мекемесінде жазасын өтеп жатқан сотталғандар "Маша мен аю" мультфильмінің кейіпкерлерінің мүсінін жасады.
Сотталғандардың қолынан шыққан бұл туындыны мекеменің қызметкерлері осы кенттегі "Бастау" балабақшасына сыйға тартты.
- Бала – адамның бауыр еті. Әр ата-ана бүкіл әлем тыныштығын тілеп, әлемнің бар жақсылығын сыйға тартқысы келеді. Болашақ ұрпақтың уайымсыз өсіп-өнуі үшін қолымыздан келгенше көмектесуге дайынбыз. Бүлдіршіндерімізді құттықтап, оларға күлкі сыйлау - игі іс, - деді мекеме басшысының орынбасары Ербол Кабдыгалиев.
