Алғыс күні СҚО ақсақалы ІІМ министрінің алғыс хатымен марапатталды, – деп хабарлайды Polisia.kz.
Алғыс күні СҚО ақсақалы Серік Нұрақаев ІІМ министрінің алғыс хатымен марапатталды.
Серік Есімұлы – Қызылжар ауданының құрметті азаматы, ҚазКСР ауыл шаруашылығының еңбек сіңірген қызметкері, 42 жыл зоотехник болып жұмыс істеген, облыс әкімінің құрмет грамоталарының иегері. Қазіргі уақытта ол Қызылжар ауылдық округінің ардагерлер кеңесі төрағасының және жергілікті қоғамдастық төрағасының міндетін атқарады. 75 жасында ол округ пен ауданның барлық іс-шараларының тұрақты қатысушысы болып қала береді, аймақ тұрғындарының құрметіне ие. Өткен жылдың қараша айында ҚР ІІМ министрі Марат Ахметжановтың жұртшылықпен кездесуінде ақсақал полиция қызметкерлеріне құқықтық тәртіпті нығайту үшін қоғамға қызмет етуге батасын берді.
Бүгін, Алғыс айту күнінде, СҚО полиция департаментінің бастығы Айдын Қабдұлдинов Серік Нұрақаевқа министрдің Алғыс хатын табыс етті. Онда Марат Ахметжанов Солтүстік Қазақстан облысы ақсақалының белсенді өмірлік ұстанымын және оның ішкі істер органдарының имиджін арттыруға қосқан үлесін атап өткен.
– 1-наурыз — бізді тарихи оқиғаларға сілтеп қана қоймай, әрбір игі іс үшін ризашылық сөздерінің қаншалықты маңызды екенін еске сала отырып, бүгінгі күнді құруға көмектесетін күн. Полиция мен халықтың күш — жігерін біріктіру – қоғамдық қауіпсіздік пен құқықтық тәртіпке қол жеткізудің жалғыз сенімді іргетасы, – дейді Айдын Қабдұлдинов.
