СҚО бойынша ҚАЖД қызметкерлері студенттермен кездесті, – деп хабарлайды Polisia.kz.
СҚО бойынша ҚАЖ департаментінің ЕС-164/1,3 кадр бөлімшесінің қызметкерлері қатардағы және кіші басшы құрамның бос лауазымдарына үміткерлерді іріктеу бойынша кәсіби бағдарлау жұмысын жүргізеді.
18 ақпанда «Электр жабдығы», «Темір жол жылжымалы құрамын пайдалану, жөндеу және техникалық қызмет көрсету», «Темір жол көлігінде тасымалдауды ұйымдастыру және қозғалысты басқару» мамандықтары бойынша оқитын Байкен Әшімов атындағы Петропавл темір жол көлігі колледжінің студенттерімен кездесу өтті.
Кездесу диалог түрінде өтті, оның барысында мекемелердің кадр саясаты бөлімшелерінің қызметкерлері студенттердің барлық сұрақтарына жауап берді, қылмыстық-атқару жүйесіне түсу тәртібін, қызмет өткеру жағдайларын және кандидаттарға қойылатын талаптарды түсіндірді. Сондай-ақ, оларға кейіннен ҚАЖ органдарына қызметке тұру үшін өтініш жасай алатын байланыс деректері берілді.
