СҚО-да пробация қызметкерлері Ауған соғысының ардагерлерімен кездесті, – деп хабарлайды Polisia.kz.
Биыл кеңес әскерлерінің Ауғанстаннан шығарылғанына 35 жыл толды. 15 ақпан – барлық қаза тапқан интернационалист жауынгерлерді еске алу күні. Соғыстың 10 жылында Ауғанстан арқылы 620 мыңға жуық кеңес әскері мен азаматтық персонал өтті. Бұл күнде ел мүддесін қорғауды мақсат етіп, адал болуға ант еткен сарбаздар мен офицерлердің майдандағы бауырластығы көрініс тапты.
Атаулы күн қарсаңында Тайынша аудандық ардагерлер кеңесінде әскерлердің шығарылуының 35 жылдығына арналған «Ауғанстан – біздің жадымыз бен азабымыз» тақырыбында дөңгелек үстел өтті.
Дөңгелек үстел барысында қатысушылар, ауған жауынгерлері және шақырылған пробация қызметі бөлімінің қызметкерлері алдында Тайынша аудандық ардагерлер кеңесінің төрағасы Анатолий Рафальский, аудандық мәслихат төрағасы Сәрсенбай Бекшенов, «AMANAT» партиясы аудандық филиалының төрағасы Мереке Хамзин сөз сөйледі. Шақырылған ауған жауынгерлері қонақтармен сол жылдардағы оқиғалар туралы естеліктерімен бөлісті. Сөз сөйлеушілер интернационалист-жауынгерлердің батылдығын, олардың қазақстандықтардың өскелең ұрпағын патриоттық тәрбиелеуге қосқан үлесін атап өтті.
