СҚО-да жедел жәрдем көлігі жол-көлік оқиғасына ұшырады, – деп хабарлайды Polisia.kz.
1 шілде күні шамамен сағат 5:20-да Қызылжар ауданы Петерфельд ауылының маңында жол-көлік оқиғасы орын алды. «Жедел жәрдем» автомашинасы облыс орталығына қарай бір бағытта кетіп бара жатқан Audi автокөлігімен соқтығысқан. Жол-көлік оқиғасы салдарынан жедел жәрдем көлігінің жолаушысы мен жеңіл автокөліктің екі жолаушысы жарақат алды, олардың біреуі – Мамлютка қаласының 58 жастағы тұрғыны ауруханаға жатқызылды.
Сондай-ақ бүгін таңертең перинаталдық орталыққа бет алған арнайы көліктегі 28 жастағы жүкті жолаушы шұғыл медициналық мекемеге жеткізілді.
Қызылжар ауданы полиция бөлімінің жедел-тергеу тобы оқиға орнына барды. Сотқа дейінгі тергеу шеңберінде полицейлер жол-көлік оқиғасының мән-жайы мен себептерін анықтайды. Бірқатар қажетті сараптамалар тағайындалды.
