СҚО полицейлері М.Жұмабаев ауданының тұрғындарынан мылтық пен қолдан жасалған арбалет тәркіледі, – деп хабарлайды Polisia.kz.
“Браконьер” және “Қару” жедел алдын алу іс-шаралары аяқаруында Мағжан Жұмабаев ауданының полиция бөлімінің қызметкерлері қарудың заңсыз айналымына байланысты 5 фактіні анықтады.
Аулаларды аралау және жедел ақпаратты тексеру нәтижесінде аудандық полиция бөлімінің, сондай-ақ облыстық ПД криминалдық полиция басқармасының қызметкерлерімен 3 тегіс ұңғылы мылтық, 9 бірлік аңшылық қаруға оқ-дәрі тәркіленді.
Сонымен қатар аудан орталығының 27 жастағы тұрғыны Булаеводан қолдан жасалған арбалет тәркіленді. Шебер оны қолда бар материалдардан жасаған. Оның айтуынша, ол мұны бірнеше жыл бұрын құрылысқа деген ынтадан жасаған және шеберханада ұмытып кеткен. Тәркіленген заттың иесі кей адамдар оны қылмыстық мақсатта пайдалану үшін ұрлап кетуі мүмкін қауіпті затты жасады деп мүлдем ойламаған. Үйде жасалған қару сараптамаға бағытталды. Ауыл тұрғыны ҚР Әкімшілік құқық бұзушылық туралы Кодексінің 482-бабы бойынша жауапкершілікке тартылады.
– Қару жауапкершілікпен қарауды талап етеді, оған заңсыз қарау фактілерін анықтау — қоғамдық қауіпсіздіктің негіздерінің бір. Аудандық бөлімнің қызметкерлері қару мен оқ-дәрілерді заңсыз сатып алу, дайындау, сақтау және тасымалдау фактілерінің жолын кесу бойынша жаппай мақсатты жұмыс жүргізіп жатыр. Естеріңізге сала кетейік, тіркелмеген қаруды ерікті түрде тапсыру ғана оны сақтағаны үшін қылмыстық және әкімшілік жауапкершіліктен босатады, – дейді аудандық ПБ бастығының міндетін атқарушы Жанат Рахметов.
