Степногорск қаласында полицейлер екі тұрғыннан 159 қарасора бұтасын тәркіледі, – деп хабарлайды Polisia.kz.
“Қарасора-2021” және “Құқықтық тәртіп” республикалық жедел алдын алу шарасы аясында ақмолалық жедел уәкілдер құрамында есірткі бар өсімдіктерді өсірудің екі фактісін тіркеді.
Ағымдағы жылдың 21 шілдесінде Степногорск қалалық ПБ қызметкерлері Степногорск қаласының 37 және 49 жастағы жұмыссыз тұрғындарын анықтады. Олар өз саяжайларында құрамында есірткі бар өсімдіктерді өсірумен және баптаумен айналысқан.
Ұзақ уақыт бойы қаскүнемдер есірткі полицейлерінің “бақылауында” болды, осы уақыт ішінде тәртіп сақшылары әрқайсысының қылмыстық әрекеті туралы дәлелдер жинады.
Саяжай учаскелерін тексеру барысында күдіктілердің әрқайсысынан “қарасора” тұқымдас өсімдіктер табылып, тәркіленді. Өсімдіктердің жалпы саны осы өсімдіктің 159 бұтасын құрайды. Сондай-ақ өсімдіктерді өсіру және күту туралы әдебиеттер алынды.
Қазіргі уақытта екі факті бойынша ҚР ҚК 300-бабының 2-бөлігі (Құрамында есірткі заттары бар, өсіруге тыйым салынған өсімдіктерді заңсыз өсіру) бойынша сотқа дейінгі тергеу басталды. Келу туралы міндеттеме түрінде мәжбүрлеу шарасы таңдалды, сараптама жүргізілді.
Сонымен қатар ағымдағы жылғы 16 шілдеде Көкшетау қаласының аумағында Есірткі қылмысына қарсы іс-қимыл басқармасының қызметкерлері ҚР ҚК 296-бабы 4-бөлігі (Есірткі құралдарын, психотроптық заттарды, олардың аналогтарын аса ірі мөлшерде заңсыз дайындау, өңдеу, сатып алу) бойынша Петропавл қалалық ПБ үшін іздеуде жүрген 29 жастағы Солтүстік Қазақстан облысының жұмыссыз тұрғынын ұстады.
Ұстау кезінде қылмыстық құқық бұзушыдан құрамында көк түсті ұнтақ тәрізді консистенциясы бар жеті полиэтилен түйіншегі (болжамды психотроптық зат) табылып, тәркіленді. Кейіннен қылмыстық қылмыскер уақытша тұрған қонақ үйді тінту кезінде құрамында ақ түсті ұнтақты консистенциясы бар полиэтилен пакет алынды. Барлық алынған заттар бойынша сараптама тағайындалды.
Ұсталған адамға қатысты “күзетпен ұстау” бұлтартпау шарасы таңдалды, оның басқа қылмыстарға қатыстылығы тексеріледі.
