Теміртауда интернет-алаяқтық фактілерінің алдын алу бойынша конференция өтті, – деп хабарлайды Polisia.kz.
Қазақстан Республикасының Президенті Қасым-Жомарт Тоқаевтың 2021 жылғы 1 қыркүйектегі “Халық бірлігі мен жүйелі реформалар – еліміздің өркендеуінің берік негізі” атты Жолдауында “Цифрлық технологиялар” мемлекеттік бағдарламасын жүзеге асыру – Қазақстан Республикасын дамытудың негізгі міндеттерінің бірі деп атап көрсетті. Ол цифрлық технологияларды қарқынды енгізуді қарастырады. Интернетті пайдаланушылардың күрт өсуіне байланысты интернет-алаяқтық фактілері көбейді.
Қылмыстың осы түрінің алдын алу және жолын кесу мақсатында Қарағанды облысы Теміртау қаласының ПБ-ның басшысы Махсат Әшімовтің бастамасымен қала әкімдігінде “Цифрлық технологиялар саласындағы алаяқтық” тақырыбында баспасөз мәслихаты өтті.
Теміртау қаласының прокуроры Алексей Куляшкин, Халық банкі мен Jýsan банкі, Халыққа қызмет көрсету орталықтарының өкілдері, БАҚ өкілдері қатысқан шараны Теміртау қаласы әкімінің орынбасары Владислав Цай ашып, жүргізіп отырды.
Теміртау қаласының прокуроры интернет-алаяқтық бойынша статистикалық мәліметтерді келтіріп, оның өсуін атап өтті. Теміртау қаласындағы ПБ басшысы “Жаңа технологиялар саласындағы алаяқтық” тақырыбында баяндама жасады. Осылайша, ол банктердің алаяқтықтың алдын алу қызметіне қатысты бірқатар ұсыныстарды алға тартты.
Өз кезегінде банк өкілдері қаржы институттары қызметінің ережелері туралы айтып, азаматтарға ұтыс ойынына қатыспауға, деректемелерін белгісіз тұлғаларға бермеуге кеңес берді.
Баспасөз мәслихатының соңында В.Цай интернет-алаяқтықтың алдын алу бірлескен күш-жігерді қажет ететінін баса айтты. Сондай-ақ адам көп шоғырланатын орындарда қылмыстың осы түрінің алдын алу мақсатында профилактикалық мазмұндағы бейнероликтерді орналастыруды, қала көшелеріне тиісті мазмұндағы баннерлер орнатуды тапсырды.
