Ақпараттық медиа-портал POLISIA.KZ

Түркістан облысында авариялық жағдай туғызған 111 жүргізуші жауапқа тартылды

Түркістан облысында “Қауіпсіз жол” ЖПІШ аясында авариялық жағдай туғызғаны үшін 111 көлік тізгіндеуші жауапқа тартылды, – деп хабарлайды Polisia.kz

Түркістан облысының полиция қызметкерлері “Қауіпсіз жол” іс-шарасы барысында қарқынды қызмет етуде. Мәселен іс-шараның 13 тәулігінде полицейлермен 15 590 жол қозғалысы ережесін бұзушылар анықталды. Оның ішінде қауіпсіздік белдігін пайдаланбағаны үшін үш мыңнан астам тәртіп бұзушы, басқару кезінде телефонды пайдаланғаны үшін 1293 жүргізуші әкімшілік жауапкершілікке тартылды. Сондай-ақ, техникалық байқаудан өтпеген 923 көлік пен автокөлікті мас күйінде басқарған 68 жүргізуші анықталды. Ал маневр жасау ережелерін бұзған 545 жайт тіркелді. Тәртіп сақшылары авариялық жағдай туғызғаны үшін 111 көлік тізгіндеуші жауапқа тартылды.

526 жүргізушіге жылдамдық режимін шектен тыс асырғаны үшін хаттама толтырылды. Ал бағдаршамның тыйым салу белгісінен өтіп кетудің 154 жайты, қарама-қарсы қозғалыс жолағына шығудың 33 жайты белгілі болды. “Қауіпсіз жол” шарасы кезінде полицейлер қоғамдық көлік жүргізушілері жасаған 404 ЖҚЕ бұзушылықты анықтады. Сондай-ақ, автокөлікті заңсыз қайта жабдықтау бойынша 160 жайт тіркелді. Жалған және қолдан жасалған мемлекеттік нөмірмен көлік құралын басқарудың 10 дерегі анықталып, жүргізушілерге шара көрілді. Айыптұраққа 499 көлік қойылды.

Мысалы, Жетісай ауданына қарасты ауылдардың бірінде өзімен бір бағытта бара жатқан Daewoo Nexia көлігін соғып, жол апатын жасаған Audi-100 көлігінің жүргізушісі анықталды. Тексеру кезінде оның мас халде екендігі расталды.

Аталған жайт ҚР ӘҚБтК-нің 608-бабы (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) бойынша тіркеуге алынып, тәртіп сақшыларымен іс құжаттар жинақталды.

Нәтижесінде, Жетісай аудандық сотының қаулысымен Audi-100 жүргізушісі ҚР ӘҚБтК-нің 608-бабы 3-бөлігімен кінәлі деп танылып, 20 тәулікке әкімшілік қамауға алынып, 7 жыл мерзімге көлік құралын басқару құқығынан айырылды.

Аталған шара ҚР ІІМ Марат Ахметжановтың нұсқауына сәйкес, жол қозғалысының қауіпсіздігін қамтамасыз ету және алдын алу, жол-көлік оқиғаларын төмендету мақсатында өткізілуде. 

Сондай-ақ оқыңыздар

Жауап қалдыру