Түркістан облысының полицейлері ардагерлерді мерекемен құттықтады, – деп хабарлайды Polisia.kz.
Түркістан облысы Полиция департаментінің полицейлері Ұлы Жеңістің 76 жылдығы қарсаңында тыл ардагерлерімен кездесу өткізді. Атап айтсақ Түлкібас аудандық полиция бөлімінің ұйымдастыруымен, полицейлер тыл ардагерлерінің үйіне арнайы барып, мерекемен құттықтады.
Түлкібас АПБ полицейлері Бауыржан Сембаев және Гүлбану Есенқұлова ардагерлерге мерекелік сыйлықтарды табыс етті.
Ұйымдастырылған іс-шара аясында 86 жастағы ардагер Орынбай Айтпаев полицейлерге бұл жеңістің оңай келмегенін айтып, тарихи оқиғаларымен бөлісті. Полиция қызметкерлерінің құрметіне бөленген ардагерлеріміз ақ баталарын беріп, алғысын жеткізді.
– Түлкібас ауданының полиция қызметкерлеріне алғысымды айтамын. Бізге көңіл бөліп, мерекемен құттықтап келгендеріңізге көп рақмет. Әрдайым осындай абыройлы қызмет ете беріңіздер! – деді 86 жасқа келген ардагер Валентина Немченко.
