Алматыда Ішкі істер министрлігі мен Ұлттық ұланның ақпараттық-насихаттық тобының мүшелері ҰОС ардагері Қамбар Сәрсеновке барды. Майдангер жасы ұлғайғанына қарамастан қонақтарды көтеріңкі көңіл-күймен қарсы алды, – деп хабарлайды Polisia.kz
Ардагермен кездесуде Ақпараттық-насихаттық тобының басшысы, Халық қаһарманы Қайрат Үмбетов пен Алматы қаласы Полиция департаменті бастығының орынбасары Олжас Мырзабеков соғыс ардагері Қамбар Әмірұлына Ішкі істер министрлігі мен Ұлттық ұлан Бас қолбасшысының атынан Алғыс хаттар мен бағалы сыйлықтарды табыстады.
– Сіздер соғыс уақытының ең ауыр сынақтарынан абыроймен өткен, елді қалпына келтірген, бүгінде еліміздің дамып келе жатқан іргетасын қалаған жеңімпаздар мен жасампаздардың аты аңызға айналған ұрпағысыздар. Сіздердің өмір жолдарыңыз, Отанға деген сүйіспеншіліктеріңіз бен оның тағдырына жасаған ықпалдарыңыз жастарға және баршамызға лайықты үлгі, – деп Қайрат Үмбетов ардагерлерге алғысын айтты.
Өр рухты майдангердің терезесі астында әскери оркестр аты аңызға айналған “Жеңіс күні”, “Славянмен қоштасу” марштарын, сондай-ақ “Смуглянка” және “Катюша” композицияларын орындады. Сонымен қатар, ұландықтар батыр ардагердің үйінің алдынан салтанатты шерумен жүріп өтті.
Қамбар Сәрсенов полиция қызметкерлері мен Ұлттық ұландықтарға Ұлы Отан соғысы ардагерлерін еске алып, құрмет көрсетіп жатқандары үшін алғыс білдірді.
– Соғыс басталғанда мен Қазақстанның Қостанай облысындағы Күнтимес ауылында тұрдым. Мені 1942 жылы 12 тамызда шақырды. Біздің ауданда әскери комиссариат болған жоқ, әкем мені және біздің ауылдан көрші ауданға тағы екі жігітті алып келді. Содан кейін түсімде үлкен қара жылан пайда болып, аяғымды шағып алады, бірақ еш жерім ауырмайды. Таңертең сол жорық түсімді әкеме айтым едім, ол: “Бұл жақсы түс, сен жараланасың, бірақ та үйге аман-есен ораласың!” деді. Осы сөзі дәл келді, – деп еске алды ардагер.
Соғыс жылдары Қамбар Әмірұлы үш рет жараланды. Калинин облысын, Белоруссияны, Латвияны, Литваны, Польшаны азат етуге қатысты. Шығыс Пруссия мен Германияны жаулап алуға қатысты. Кенисбергте соғысты аяқталған соң, жаралануына байланысты демобилизацияланды.
Соңғы жылы ол Суворов орденінің 51-ші Витебск дивизиясының 30-шы жеке барлау компаниясында қызмет етті. Отанға сіңірген еңбегі үшін Қамбар Сәрсенов бес орденмен марапатталды: I және II дәрежелі Ұлы Отан соғысы, II және III дәрежелі “Даңқ”, “Қызыл Жұлдыз”, “Жауынгерлік еңбегі үшін”, “Кенисбергті алғаны үшін”, “Германияны жеңгені үшін” медальдарымен наградталған.
Қамбар туған ауылына майданға кеткендердің алғашқысы болып оралды. Ол облыстық комсомол аудандық комитетінің екінші хатшысы болып тағайындалды. Онда бір жарым жыл жұмыс істеп, сол кездегі ІІМ бойынша жалғыз оқу орны – КСРО ІІМ Алма-Ата мектебіне оқуға жіберілді. Үш жылдан кейін оны сәтті бітіріп, ІІМ орталық аппаратында жұмысқа қалдырылды.
Қамбар тоғызыншы сыныптан кейін майданға кеткендіктен, оның орта білімі болмады. 1950 жылы ІІМ мектебін бітіргеннен кейін министрлікте жұмыс істеп кешкі мектепке түсті. 1951 жылы Алматы заң институтының сырттай бөліміне оқуға түсті.
Соңғы сегіз жыл бойы министрлікте басқарма бастығының орынбасары қызметін атқарды, ал 1980 жылы наурызда зейнетке шықты. Демалысқа шыққаннан кейін бір айдан кейін Қамбар Әмірұлы әдеттегі жұмыстан жалығып, Алматы энергетика жүйесіне жұмысқа орналасты, онда тағы он сегіз жыл жұмыс істеді. Сәрсен Қамбар Әмірұлы – ҚР ІІМ, Медеу аудандық ардагерлер кеңесінің және энергетика жүйесінің құрметті ардагері.
Шара соңында елордадан арнайы барған топ қарттар үйінде болып, ҚР Ұлттық ұланы Ән-би ансамблінің әртістері дайындаған қайырымдылық концертін ұсынды.
