"Уылдырық" іс-шарасы барысында 10 құқық бұзушылық дерегі анықталды, - деп хабарлайды Polisia.kz.
Қазақстан Республикасы ІІМ-нің нұсқауына сәйкес, қала аумағында балық ресурстары мен басқа да су жануарларының уылдырық шашу және көбею кезінде "Уылдырық - 2024" атты жедел-профилактикалық іс-шарасы өтті.
Іс-шара барысында, табиғатты қорғау тобының инспекторы және жануарлар дүниесін қорғау қызметкерлерімен бірлесіп қала аумағына қарасты су орындарында заңсыз балық аулауды болдырмау, жолын кесу бағытында профилактикалық жұмыстар жүргізілді.
Іс-шара кезінде, ҚР ӘҚБтК-нің 383-бабымен (Балық аулау және балық ресурстары мен басқа да су жануарларын қорғау қағидаларын бұзу) дерегі бойынша 10 әкімшілік құқық бұзушылық анықталды.
