Жамбылдық полицейлер оқушыларға қысқы демалыс кезіндегі қауіпсіздік шаралары туралы айтты, – деп хабарлайды Polisia.kz.
Жамбыл облысының аумағында полиция қызметкерлері қысқы демалыс кезінде кәмелетке толмағандардың қатысуымен болатын жазатайым және өзге де оқиғалардың алдын алуға бағытталған профилактикалық іс-шаралар кешенін өткізеді.
Тәртіп сақшылары балаларға статистикалық мәліметтерді және қауіпсіздік ережелерін сақтамаған жағдайларды мысалдармен ала отырып, тұрмыстағы және қоғамдық, көпшілік демалатын орындардағы тиісті мінез-құлық туралы, өздерінің қауіпсіздік ережелері туралы, сондай-ақ өздері пайдаланатын жеке заттардың сақталуына жауапкершілік туралы айтып береді.
Сонымен қатар, оқушыларға құқық бұзушылық немесе қылмыс жасағаны үшін әкімшілік және қылмыстық жауапкершілік, ата-анасының еріп жүруінсіз қоғамдық орындарда кәмелетке толмағандардың түнгі уақытта болуын шектейтін қолданыстағы заңнама туралы, пиротехникалық бұйымдарды пайдалану кезіндегі қауіпсіздік және су айдындары мен мұз сырғанақтарында жүріс-тұрыс ережелерін, ЖҚЕ сақтау қажеттігін есіне салады.
Сондай-ақ, полицейлер балалармен төрт “Болмайды” ережесін үйренеді: бейтаныс адамдармен сөйлеспеу және оларды үйге кіргізбеу, олармен лифт пен кіреберіске кірмеу, бейтаныс адамдардың көлігіне отырмау, мектептен кейін көшеде қалмау, әсіресе қараңғы түскенде.
– Демалыс кезінде кәмелетке толмағандардың бос уақыты көбірек болады және олар көбінесе өздеріне беріледі. Олардың сабақтары әрқашан қауіпсіз бола бермейді. Біздің міндетіміз – балалардың қауіпсіздігін қамтамасыз ету және жасөспірімдер мен оларға қатысты жасалған құқық бұзушылықтардың алдын алу, – деді Жамбыл облысы ПД Жергілікті полиция қызметі басқармасы кәмелетке толмағандар полициясы тобының ерекше тапсырмалар жөніндегі аға инспекторы Әлішер Қалышев.
