Шымкентте полиция қызметкерлері “Аvto Gaz Stations” жанармай құю бекетіне қарақшылық шабуыл жасаған екі күдіктіні ұстады, – деп хабарлайды Polisia.kz.
Шамамен түнгі сағат 03.30-да бетперде киген екі күдікті ЖҚС-на басып кіріп, пышақпен қорқытып, операторды скотчпен орындыққа байлап, 90 000 теңгеге жуық ақшаны алып, қашып кеткен.
Абай аудандық полиция басқармасының криминалдық полиция бөлімінің қызметкерлерімен жедел-іздестіру іс-шаралары барысында шабуыл жасағандар ұсталды. Айғақты зат – пышақ пен скотч алынды.
Жайт бойынша ҚР Қылмыстық кодексінің 192-бабы (қарақшылық) бойынша сотқа дейінгі тергеп-тексеру басталды.
Тергеу барысында ұсталғандардың Еңбекші ауданының аумағында жасалған ұрлыққа қатысы бар екендігі анықталды.
