Жаңаөзенде полицейлер 13 бекіре тұқымдас балықты тәркіледі, - деп хабарлайды Polisia.kz.
23 қыркүйекте Жаңаөзен қаласында полиция қызметкерлері жедел ақпаратты тексеру барысында бекіре тұқымдас балықтарды заңсыз сақтау және айналымға шығару дерегін анықтады.
Қаладағы ойын-сауық орындарының бірінің маңында полицейлер Toyota Camry автокөлігін тоқтатты. Көлікті тінту барысында салоннан 2 бекіре тұқымдас балық табылып, тәркіленді.
Одан әрі полиция қызметкерлері аталған азаматтың тұрғылықты мекенжайында тінту жүргізді. Үй ауласындағы мұздатқыштардан тағы 11 бекіре тұқымдас балық табылып, тәркіленді.
Осылайша, жүргізілген іс-шаралар нәтижесінде полиция қызметкерлері барлығы 13 бекіре тұқымдас балықты тәркіледі.
Аталған деректер бойынша ҚР ҚК-нің 339-бабының 1-бөлігімен қылмыстық істер қозғалды.
Барлық қатысушылар анықталып, полицияға жеткізілді. Тәркіленген балықтардың шығу тегі және оқиғаның барлық мән-жайы анықталуда. Тергеу жалғасуда.
