Шымкентте алаяқ түркістандықты 1,5 миллион теңгеге алдап кетті, – деп хабарлайды Polisia.kz.
31 тамызда Әл-Фараби АПБ-ның «102» нөміріне Түркістан облысының тұрғыны арызданған. Ол өз арызында бейтаныс адам жер алып беремін деп айтып, 1,5 миллион теңге ақшасын алаяқтық жолмен алғанын жазып көрсеткен.
Әл-Фараби АПБ Криминалдық полиция бөлімінің қызметкерлерімен жедел-іздестіру іс-шараларын жүргізу барысында Шымкент қаласының тұрғыны анықталып, жеткізілді. Ұсталған адамның басқа да қылмыстарға қатыстылығы анықталуда. Тексеру жұмыстары жүргізілуде.
