Жетісу облысында полиция орта мектепте профилактикалық дәріс өткізді, — деп хабарлайды Polisia.kz.
№28 орта мектепте оқушыларға арналған жеке қауіпсіздік мәселелеріне арналған маңызды профилактикалық дәріс ұйымдастырылды. Іс-шараны қоғамдық қауіпсіздік басқармасы мен үйлестіру және профилактика жұмысы басқармасының қызметкерлері бірлесіп өткізді.
Кездесу барысында оқушыларға күнделікті өмірде және цифрлық кеңістікте қауіпсіз мінез-құлық ережелері жан-жақты түсіндірілді. Әсіресе, қауіпті жағдайларды дер кезінде танып білу, дұрыс әрекет ету және бейтаныс адамдардың арандатуына ермеу мәселелеріне ерекше назар аударылды.
Полиция қызметкерлері кең таралған алаяқтық тәсілдері, әлеуметтік желілердегі қауіптер туралы айтып, көшеде және қоғамдық орындарда қарапайым сақтық шараларын сақтау қажеттігін еске салды. Сондай-ақ қауіп төнген жағдайда не істеу керектігі және қайда жүгіну қажет екені түсіндірілді.
Сонымен қатар жасөспірімдердің өз қауіпсіздігіне және айналасындағылардың қауіпсіздігіне жауапкершілікпен қарауын қалыптастыруға ерекше мән берілді. Ашық диалог форматында өткен кездесуде оқушылар өздерін қызықтырған сұрақтарын қойып, мамандардан нақты жауап алды.
— Қауіпсіздік — саналы әрекеттен басталады. Жастар қауіп-қатерді дұрыс бағалап, саналы шешім қабылдауды ерте үйренсе, кез келген жағдайда өздерін сенімді сезінеді, — деп атап өтті полиция қызметкерлері.
Мұндай іс-шараларды өткізу — өскелең ұрпақты қорғауға және қоғамда құқықтық мәдениетті қалыптастыруға бағытталған профилактикалық жұмыстың маңызды бөлігі болып табылады.
