Ақпараттық медиа-портал POLISIA.KZ

Жітіқаралық есірткі сатушы героинді іш киіміне жасырған

Қостанай облысында есірткі сатушы героинді ішкі киіміне жасырған, – деп хабарлайды Polisia.kz.

Ақпан айының ортасында Жітіқаралық полицейлер есірткі сатумен айналысатын 37 жастағы ер адам мен 34 жастағы әйелді  ұстады.

Полиция бөліміне түскен жедел ақпараттан кейін қызметкерлер іздестіру іс-шараларын өткізді. Аталған факт расталды. Жітіқара тұрғынының пәтерінде есірткі заттары табылды. Ер кісі ішкі киімінде героиннің 17 фольга байламын жасырған.

Аудандық полиция бөлімінің бастығы Болат Имановтың айтуы бойынша, жергілікті уақытша ұстау изоляторында орналасқан наркодилерлер есірткіні сатып қана қойған жоқ, сонымен қатар әйелдің жүктілігіне қарамастан, өздері де есірткіні қолданған.

Аудандық сотпен күдіктілерге қатысты “күзетпен ұстау” бұлтартпау шарасы қабылданды.

Аталған қылмыс аса ауыр қылмыс болып табылады. ҚР Қылмыстық кодексінің 297-бабы 3-бөлімі 1-тармағына сәйкес  тұтқындалғандар он жылдан он бес жылға дейін мүлкін тәркілеумен бас бостандығынан айырылуы мүмкін.

Ер кісі бұған дейін есірткімен байланысты қылмыстар үшін сотталған.

Сондай-ақ оқыңыздар

Жауап қалдыру